يقولك انت مع الحجاب ولا ضده !؟

الجديد بقى

س: يقولك انت مع الحجاب ولا ضده !؟

...ج: مش عارف الحقيقة .. ما تشوف ربنا قال ايه واللي ربنا قال عليه يمشي .. انا معاه !؟

س : يا عم انا بسالك على رأيك تقولي ربنا .. ايه دخل الله في الموضوع .. انت عايز تفرض رايك عليا بقوة الله !؟

ج: أفرض رايي ايه يا عم .. هو مش لو الحجاب دا فرض يبقى اللي فرضه الله ولو مش فرض يبقى اللي مفرضوش الله برضة

س: طيب وانت ايه رايك في كلام الشيخ .. فلان .. قال ان النقاب فرض !؟

ج: الشيخ فلان قال كدة

س : اه والله انت ايه رايك بقى

ج: رايي في ايه .. انا مالي .. انا ليا اللي ربنا قاله .. الشيخ فلان يقول الشيخ فلان يعيد انا مالي بيه .. يمكن هو ليه رؤية خاصه بيه .. فبيكبر الموضوع .. او يصغره .. انا هقف معاه عند النصوص اللي الله قالها واللي وردت عن الحبيب النبي وغير كدة كلامه مردود عليه .. انما انا مليش راي لا فرايه ولا فكلام ربنا

س: يعني انت معاه ولا مش معاه

ج: والله هو اللي يتسال الكلام دا .. هو مع ربنا ولا مع نفسه !!

س: يعني انت كدة ملكش راي خالص

ج:وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلالا مُّبِينًا
36 الاحزاب

دا رايي .. ايه رايك انت بقى

الا بجد
هو ليه بقى مطلوب من كل الناس تسال كل الناس فاي حاجة تخص كل الناس
ويفتوا ويقولك لا والله انا مع فلان ودا مع ترتان .. وانت سلفي .. لا انت صوفي

مع ان الطرق كلها في الاخر بتوصل ل الله !!
فانا مع الله ومع رسوله

وشيخي بحترمه لانه اللي عرفني على دا وبحترم رؤيته الشخصية للنصوص وفهمه وشرحه ليها .. لكنه هو مش مصدر الدين مصدر الدين دا كتاب الله وسنة رسوله !!
وبحترم كمان انه مش ملاك ولا نازل من السما وبيغلط وليه هفوات و و و !!

الافكار والحوارات الشاذة اللي من النوع دا وتدخل البعض فيما لا يعلم ولا يفقه .. حولت الحجاب من فرض وعقيدة واخلاق وزي يحمي ويصون الجسد كله
لعادة اجتماعية بنعملها - كدهو - وخلاص
او بالاحرى .. حتة قماش بتداري الشعر .. او نصه في بعض الاحيان !!
وبقية الجسم الله اعلم بيه

الله يستر اعراضنا يارب




ــــــــــــــــــــــــــــــــــــــــــــــــــــــــ
ما زالت التقوى بالمتقين
حتى تركوا كثيراً من الحلال
مخافة الوقوع في الحرام

بارك الله فيكي رزان